Prezıdent «AMANAT»-tyń jastar qanatyna úndeý joldady

NUR-SULTAN. QazAqparat – Memleket basshysy Qasym-Jomart Toqaev beınejazba arqyly «AMANAT» jastar qanatynyń kezekten tys VI Sezine qatysýshy delegattarǵa quttyqtaý sóz arnap, el jastaryna arnaıy úndeý joldady, dep habarlaıdy QazAqparat tilshisi.

Prezıdent úndeýde Jańa Qazaqstannyń jastary aıryqsha túsinýge tıis úsh mańyzdy baǵytty atady.

Birinshiden, Memleket basshysynyń aıtýynsha, bolashaqtyń kilti tsıfrlyq tehnologııa men ınnovatsııada.

Ekinshiden, jastar adal eńbekti baǵalap, rýhy bıik, sanasy sergek bolýǵa tıis. Jańa zamannyń jaqsy qasıetterin boıǵa sińire otyryp, jahandanýdyń jaǵymsyz áserlerin de esten shyǵarmaý kerek. Memlekettik múdde bárinen bıik turýy kerek ekenin aıta kelip, Prezıdent árbir jasty ana tilin, ata dástúrin, tól tarıhyn bilýge úndedi.

Úshinshiden, Qasym-Jomart Toqaev týǵan elge qurmet jalyndy sózden emes, jasampaz isten kórinetinin, aldyna maqsat qoıǵan azamat naǵyz memleketshil tulǵaǵa aınalatynyn erekshe atap ótti.

«AMANAT» partııasynyń Jastar qanatyna «Jastar rýhy» degen ataý berilgenin aıtqan bolatyn.