Prezıdent Almatydaǵy Ústel tennısi ortalyǵyn kórdi

ALMATY. QazAqparat - Qasym-Jomart Toqaev Almatydaǵy Halyqaralyq ústel tennısi federatsııasynyń barlyq talabyna saı keletin jańa Ústel tennısi ortalyǵyn aralap kórdi, dep habarlaıdy QazAqparat Aqordaǵa silteme jasap.

Prezıdentke sport kesheniniń ınfraqurylymy tanystyryldy. Sondaı-aq Memleket basshysy jas sportshy qyzben tennıs oınady.

Sońynda Qasym-Jomart Toqaev jas sportshylarǵa sáttilik tilep, tennıs raketkasyna qoltańba jazyp berdi.

Zamanaýı ortalyqta jarys ótkizetin 12 jáne jattyǵý jasaıtyn 24 ústel bar. Zal ústel tennısine qajetti alty avtomatty trenajermen, kásibı beıne jáne aýdıo qurylǵylarmen, kórermenderge arnalǵan 328 oryndyqty trıbýnamen jabdyqtalǵan.