Prezıdent Almatydaǵy tarıhı nysandardyń kúrelýine baılanysty pikir bildirdi
ALMATY. QazAqparat – QR Prezıdenti Qasym-Jomart Toqaev Almatydaǵy kezdesý barysynda tarıhı ǵımarattar - «Alataý» kınoteatry men Ǵabıt Músirepov atyndaǵy jasóspirimder teatrynyń kúrelýi jaıly pikir bildirdi, dep habarlaıdy QazAqparat tilshisi.
Kezdesý barysynda Prezıdent «burynǵy qala qurylysy kezinde Almatynyń ortalyǵy boıynsha biraz qatelik ketkenin» atap ótti.
«Men jergilikti almatylyq retinde aıtarym, Abylaı han kóshesindegi tarıhı ǵımarattyń ornynda úlken turǵyn úıdiń boı kótergenine kelise almaımyn. Sonymen qatar, Qabanbaı batyr kóshesiniń boıyna úlken qonaqúı salyp tastaǵan. Ol barlyǵyn jaýyp tur. «Alataý» kınoteatr ǵımaratyn kúreýdiń ne qajeti bar edi? Ol – almatylyqtar úshin mańyzdy nysan. Sonymen qatar, oǵan birshama ýaqyt pen kúsh-jiger jumsalǵan. Almatyda mundaı mysaldardy kóptep keltirýge bolady», - dedi Q.Toqaev.
Sonymen qatar, Memleket basshysy Almatynyń ortalyǵynan tyǵyz qurylysqa tyıym salynýy kerektigin de aıtty.
«Saıabaqtar sanyn kóbeıtý qajet. Bul qalalyqtardyń qyzyǵýshylyǵynan týǵan mańyzdy másele», - dedi Qasym-Jomart Toqaev.
