Prezıdent Almaty oblysyndaǵy «Qaratal-AGRO» servıstik daıyndaý ortalyǵyna bardy
NUR-SULTAN. QazAqparat - Qazaqstan Prezıdenti Qasym-Jomart Toqaev Almaty oblysyna sapary barysynda «Qaratal-AGRO» servıstik daıyndaý ortalyǵyna bardy, dep habarlaıdy Aqordanyń baspasóz qyzmeti.
Memleket basshysy kóktemgi egis jumystarynyń barysymen tanysyp, aýyl sharýashylyǵy tehnıkalaryn aralap kórdi.
Qazaqstan Prezıdentine oblystaǵy agroónerkásip kesheniniń negizgi kórsetkishteri, mal sharýashylyǵy men ósimdik sharýashylyǵy jóninde baıandaldy.
Qasym-Jomart Toqaev aýyl sharýashylyǵy eńbekkerleriniń jumysyn joǵary baǵalap, olarǵa tabys jáne jańa jetistikter tiledi.
