Prezıdent Almaty qalasynyń damýyna qatysty birqatar tapsyrma berdi

ASTANA. KAZINFORM — Prezıdent Qasym-Jomart Toqaev Almatyǵa jumys sapary kezinde qala ákimi Erbolat Dosaevty qabyldap, shahardy jaryqtandyrý, páterlerge sýdy ýaqtyly jáne tolyq berý, kósheler men aýlalardy abattandyrý boıynsha birqatar tapsyrma berdi.

Budan bólek, Memleket basshysy «Taza Qazaqstan» aktsııasyn turaqty ári óz deńgeıinde ótkizýdiń, qalany kógaldandyrýdyń, ekologııalyq ahýaldy jaqsartý úshin kólik qozǵalysyn retteýdiń, sondaı-aq almatylyqtardy alańdatatyn basqa da máselelerdi sheshýdiń mańyzyn atap ótti. 

Erbolat Dosaevqa elimizdiń eń iri qalasynyń qarjy, sport, týrıstik ári mádenı haby retindegi mártebesin nyǵaıtý jáne tıisti tártipke keltirý úshin basqarý qyzmetin kúsheıtý tapsyryldy.

Qala ákimi Prezıdentke júrgizilgen jumystar jáne qabyldanǵan sharalar týraly eki aptada bir ret baıandap otyrady. 

Aıta ketelik Qasym-Jomart Toqaev 28 naýryzda Almaty qalasynyń ákimi Erbolat Dosaevty qabyldaǵan edi.