Prezıdent áýejaıda qylmyskerdi ustaýǵa kómektesken azamatty memlekettik nagradaǵa usynýdy tapsyrdy

ASTANA. KAZINFORM — Memleket basshysy Qasym-Jomart Toqaev Almaty áýejaıynda adamdy kepilge alý jaǵdaıy jóninde habardar. Bul týraly Aqorda málim etti.

— Prezıdent qylmyskerdiń sýyq qarýyn tartyp alyp, ustaýǵa kómektesken er adamnyń batyldyǵyn erekshe atap ótip, atalǵan azamatty memlekettik nagradaǵa usynýdy tapsyrdy, — delingen habarlamada.

Eske sala keteıik, búgin Almaty halyqaralyq áýejaıynda 11:45–te keleńsiz oqıǵa boldy. Іshki reıster termınalynda er adam jolaýshy retinde ushý aldyndaǵy tekserý aımaǵyna barǵan. Avıatsııalyq qaýipsizdik qyzmetkerleri er adamnan qujattardy kórsetýdi suraǵan, al ol áýejaı qyzmetkerin shashynan ustap, pyshaqpen qorqytqan edi.