Prezıdent Almasadam Sátqalıevti qabyldady

ASTANA. KAZINFORM — Memleket basshysy Energetıka mınıstri Almasadam Sátqalıevti qabyldady. 

Almasadam Sátqalıev elimizdiń otyn-energetıka kesheniniń bıylǵy birinshi jartyjyldyqtaǵy damýy jóninde esep berdi.

Osy ýaqyt aralyǵynda 44,7 mıllıon tonna munaı óndirilgen. Munaı ónimderiniń óndirisi 6,78 mıllıon tonnany quraǵan.

Sondaı-aq 30,1 mıllıard tekshe metr gaz óndirilip, elektr qýatyn óndirý kólemi 60,4 mlrd kVt/saǵatqa jetken.

Mınıstr vedomstvonyń tutynýshylardy elektr qýatymen jáne jylýmen turaqty qamtamasyz etýge baǵyttalǵan iri ınvestıtsııalyq jobalardy iske asyrý jospary jóninde málimet berdi jáne jańartylatyn energııa kózderin damytý sharalary týraly baıandady.

Kezdesý sońynda Memleket basshysy jylytý maýsymyna daıyndyq boıynsha tıisti jumys júrgizýdi jáne ishki naryqty munaı ónimderimen qamtamasyz etýdi tapsyrdy.