Prezıdent Álııa Moldaǵulovanyń memorıaldyq eskertkish keshenine gúl shoǵyn qoıdy
ASTANA. KAZINFORM - Prezıdent Qasym-Jomart Toqaev Keńes Odaǵynyń Batyry Álııa Moldaǵulovanyń memorıaldyq eskertkish keshenine gúl shoǵyn qoıyp, onyń rýhyna bir mınýt únsizdikpen taǵzym etti.
Bul týraly Aqordanyń baspasóz qyzmeti habarlady.
Bıyl qazaqtyń qaısar qyzynyń týǵanyna 100 jyl toldy.
Sondaı-aq Memleket basshysy Aqtóbe oblysyna sapary barysynda Álııa Moldaǵulovanyń eskertkishi janynda jergilikti jurtshylyqpen kezdesti.
– Álııa Moldaǵulova – halqymyzdyń qaısar qyzy. Búgin 100 jyldyǵyna oraı arnaıy keldim. Bul, eń aldymen, azamattyq boryshym. Taǵzym etý úshin kelip otyrmyn. Barshańyzǵa kóp raqmet. Álııanyń esimin halqymyzdyń arasynda, shetelde keń aýqymda dáripteýimiz kerek. Ol – bizdiń maqtanyshymyz. Sondyqtan onyń esimi bizdiń jadymyzda máńgi saqtalady, – dedi Qasym-Jomart Toqaev.
Sondaı-aq Prezıdent qazirgi almaǵaıyp zamanda birlikti, tatýlyqty saqtaý óte mańyzdy ekenine nazar aýdardy.
Osyǵan deıin Prezıdenttiń Aqtóbe oblysyna barǵany týraly jazdyq.
