Prezıdent alǵashqy medıtsınalyq kómek qyzmetin úılestiretin jahandyq koalıtsııa qurýdy usyndy
Prezıdent Qasym-Jomart Toqaev Dúnıejúzilik densaýlyq saqtaý uıymyna alǵashqy medıtsıanlyq kómek qyzmetin úılestiretin jahandyq kolıtsııa qurýdy usyndy, dep habarlaıdy Kazinform agenttigi.
Astanadaǵy Kongress ortalyqta alǵashqy medıtsınalyq-sanıtarııalyq kómek jónindegi Almaty deklaratsııasynyń qabyldanýynyń 45 jyldyǵyna jáne Astana deklaratsııasynyń qabyldanýynyń 5 jyldyǵyna arnalǵan halyqaralyq konferentsııa ótip jatyr.
Sharada sóz alǵan Memleket basshysy Qasym-Jomart Toqaev konferentsııaǵa qatysýshy jastardan naqty usynystar kútetinin aıtty.
«Búgingi sharada Dúnıejúzilik densaýlyq saqtaý uıymy basshylyǵynyń qatysyp otyrǵanyn paıdalanyp, alǵashqy medıtsınalyq-sanıtarııalyq kómekti jahandyq usyný salasy onyń qyzmetin úılestiretin arnaıy qurylym qurýdan utatynyn aıtqym keledi. Men DDSU qoldaýymen alǵashqy medıtsınalyq-sanıtarııalyq kómek jónindegi memleketter koalıtsııasyn qurýdy usynamyn», - dedi Memleket basshysy.
Prezıdenttiń aıtýynsha, bul koalıtsııanyń negizgi mindeti densalýlyq saqtaý salasyndaǵy aldyn alý prıntsıpterin ári qaraı ilgeriletý, sondaı-aq alǵashqy medıtsınalyq-sanıtarııalyq kómekti damytýdyń birlesken usynymdaryn daıyndaý bolý kerek.
«Men búgin jas delegattardyń alǵashqy medıtsınalyq-sanıtarııalyq kómek saıasaty men tájirıbesi týraly qorytyndy málimdemesin asyǵa kútemin», - dedi Qasym-Jomart Toqaev.
