Prezıdent áleýmettiń kóńil-kúıine monıtorıng júrgizip otyrýdy tapsyrdy
NUR-SULTAN. QazAqparat - QR Ulttyq qaýipsizdik komıteti, Bas prokýratýra áleýmettik jelilerdegi qoǵamdyq kóńil-kúıge monıtorıng júrgizýi qajet. Bul týraly Aqordada Tótenshe jaǵdaı jónindegi memlekettik komıssııanyń otyrysyn ótkizgen QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Іndet aıasynda etnosaralyq qarym-qatynas keıingi josparǵa syrylyp otyr. Biraq, bul aldamshy tynyshtyq qana. Kóktemgi egistik maýsymy bastalýyn eskersek, jer máselesine, sýaratyn sýdy bólý men paıdalanýǵa baılanysty janjaldar oryn alýy yqtımal. Mundaı alǵysharttardyń barlyǵyn jedel habarlap otyrýdy tapsyramyn», - dedi Qasym-Jomart Toqaev.
Osy rette Memleket basshysy QR Ulttyq qaýipsizdik komıteti, Bas prokýratýra, Aqparat jáne qoǵamdyq damý mınıstrligi áleýmettik jelilerdegi qoǵamdyq kóńil-kúıge monıtorıng júrgizýdi qamtamasyz etýge tıisti ekendigin basa aıtty.
