Prezıdent áleýmettik kásipkerlerdi belsendi bolýǵa shaqyrdy – Baqytjan Qudııarov
«Prezıdenttiń áleýmettik kásipkerlermen kezdesýi burynnan josparlanǵan. Mundaǵy maqsat - Memleket basshysyn bizdiń jetistikterimiz, sondaı-aq jumysymyzdaǵy qıyndyqtar týraly habardar etý. Bizdiń jobalarymyzdyń basty maqsaty - múmkindigi shekteýli jandardy jumyspen qamtyp, olardy áleýmetke beıimdeý. Prezıdentke bizdiń jumysymyz unaǵandaı sezildi. ıAǵnı, memlekettiń bul naryqta jalǵyz oıynshy emes ekeni, bıznesmenderdiń áleýmettik kásipkerlerge aınalýǵa daıyn ekeni belgili boldy. Qasym-Jomart Toqaev memleket áleýmettik kásipkerlikti qoldaıtynyna sendirip, bul úrdis múgedekterdiń ómir súrý sapasyn jaqsarta túsetinin aıtty. Osyǵan baılanysty Memleket basshysy bizdi belsendi bolýǵa, óz tájirıbemizdi BAQ-ta bólisýge jáne bizdiń jumysymyz týraly beınerolıkter túsirýge shaqyrdy. Biz kúzde bıznesmenderdi yntalandyrý úshin áleýmettik kásipkerlik boıynsha úlken forým ótkizýge kelistik. Áleýmettik kásipkerler neǵurlym kóp bolsa, múmkindigi shekteýli adamdardyń múmkindigi joǵarlaıdy», - dedi Baqytjan Qudııarov.
Kásipker múmkindigi shekteýli jandar arasynda táýeldilik psıhologııasynyń tómendep bara jatqanyn atap ótti. Sondaı-aq, áleýmettik kásipkerlik mundaı tulǵalardyń quqyqtyq qabiletin arttyrýǵa yqpal etedi.
Atap aıtqanda, Baqytjan Qudııarov densaýlyǵynda aqaýy bar adamdardy biriktirýge baǵyttalǵan áleýmettik kásiporyn - eki dámhana ashqan. Osy eki kafede barlyǵy 27 adam jumys isteıdi. Kafelerdiń birine Almaty qalasynyń Memlekettik aktıvter basqarmasy úı-jaı bólse, ekinshisine «Trafıgýra Fondeıshn» qory qarjylaı kómek kórsetedi.
Baqytjan Qudııarovtyń aıtýynsha, áleýmettik kásipkerlerdiń ózekti máseleleri - úı-jaılardy jalǵa berý jáne ónimdi ótkizý. Memleket basshysymen kezdesý barysynda kásipkerler atalǵan máseleler boıynsha kómek surap ótinish bildirgen. Óz kezeginde Prezıdent bul ótinishti qaraýǵa ýáde berip otyr.
Eske salsaq, Memleket basshysy Qasym-Jomart Toqaev áleýmettik kásipkerlik ókilderimen kezdesti.
