Prezıdent: Álemdegi qaýipsizdik arhıtektýrasyn qaıta qalpyna keltirý eń basty basymdyq bolýy tıis
NЬıÝ-IORK. KAZINFORM — Álemdegi qaýipsizdik arhıtektýrasyn qaıta qalpyna keltirý halyqaralyq qoǵamdastyq úshin eń basty basymdyq bolýy tıis. Bul týraly BUU Bas Assambleıasy 80-shi sessııasynyń Jalpy debatynda Qazaqstan Prezıdenti Qasym-Jomart Toqaev málim etti.
— Álem senimge, ashyqtyqqa jáne ortaq jaýapkershilikke arqa súıeıtin jańa konsensýsqa zárý. Mysaly, Jarǵydaǵy Ekinshi dúnıejúzilik soǵystan beri kele jatqan «jaý memleket» erejesin halyqaralyq qoǵamdastyqtyń basym bóligi eskirgen dep sanaıdy. Sondyqtan Jarǵyny qaıta qaraý máselesin talqylaıtyn ýaqyt keldi. Búginde biz alańdatarlyq ahýalǵa kýá bolyp otyrmyz: qarýlanýdy shekteıtin sharttar saqtalmaıdy, demek, strategııalyq turaqtylyqtyń da irgesi sógile bastady. 2024 jyly dúnıe júzinde áskerdi jaraqtandyrýǵa ketken shyǵyn 2,7 trıllıon dollardy qurady. Bul — rekordtyq kórsetkish. Al jahandaǵy zorlyq-zombylyqtan kelgen zalaldyń shyǵyny 20 trıllıon dollarǵa jýyqtady. Sondyqtan álemdegi qaýipsizdik arhıtektýrasyn qaıta qalpyna keltirý halyqaralyq qoǵamdastyq úshin eń basty basymdyq bolýǵa tıis, — dedi Qasym-Jomart Toqaev.
Osy oraıda Prezıdent Qazaqsan ıadrolyq qarý qoldaný qaýpin kúrt azaıtýdy, ıadrolyq derjavalar arasyndaǵy joǵary deńgeıdegi dıalogty qaıta bastaýdy qoldaıtynyn, kópjaqty árekettiń jandanýyna kúsh salý kerek dep sanaıtynyn atap ótti.
— Keń kólemde alyp qarasaq, soǵysqumarlyq mentalıtetin túp-tamyrymen joıatyn kúrdeli jumysqa kirisken jón. Bul júzege asyrýǵa bolatyn sharýa. Bastysy, memleketterdiń beıbitshilik jolynda qansha qarjy jumsap otyrǵanyn muqııat baqylasaq bolǵany. Qazaqstan ıadrolyq qarýsyzdaný jáne jappaı qyryp-joıý qarýyn taratpaý jónindegi jańa dıalogqa daıyn. Biz ıAdrolyq qarýdy taratpaý týraly shartty kúsheıtip, ıAdrolyq synaqtarǵa jan-jaqty tyıym salý týraly sharttyń oryndalýyna túrtki bolý úshin beıresmı pikir almasýlarǵa mán bere alamyz. Sonymen qatar biz buǵan deıin aıtqan Bıologııalyq qaýipsizdik jónindegi halyqaralyq agenttik qurý týraly usynymymyzdy júzege asyrýǵa shaqyramyz, — dedi Memleket basshysy.
Budan buryn Prezıdent BUU-ny jańǵyrtýdy kózdeıtin batyl áreket Qaýipsizdik keńesin reformalaýdan bastalýy tıis ekenin aıtty.