Prezıdent: Álemde bolyp jatqan oqıǵalardan sabaq alýymyz kerek
NUR-SULTAN. QazAqparat – Memleket basshysy Qasym-Jomart Toqaev eldi bereke-birlikke shaqyrdy, dep habarlaıdy QazAqparat tilshisi.
«Qazir álemdegi jaǵdaı kúrdeli. Tipti, keıbir aımaqtardaǵy ahýal ýshyǵa tústi. Bul jaǵdaı árıne, bizdi de alańdatady. Barlyǵymyz el ishinde jáne aınalamyzda turaqtylyq bolǵanyn qalaımyz. Sondyqtan álemde bolyp jatqan oqıǵalardan sabaq alýymyz kerek. Eldiń bereke-birligi men amandyǵy bárinen qymbat. Ásirese, bul qazirgideı kezeńde óte mańyzdy. Álemdi jaılaǵan pandemııaǵa jáne ekonomıkalyq daǵdarysqa tótep berý úshin memleket barlyq qajetti sharalardy qabyldaýda. Biraq bul jumys búkil el bolyp, jumyla bilsek qana óz nátıjesin beredi», - dedi Prezıdent koronavırýs indetiniń ekinshi kezeńine daıyndyq máseleleri boıynsha keńeste sóılegen sózinde.
Memleket basshysy «Tórteý túgel bolsa, tóbedegi keledi» degen, babalardan qalǵan naqyldy eske saldy.
«Bizdiń barlyq jetistikterimiz, eń aldymen, aýyzbirshiliktiń arqasy. Osyny umytpaǵan jón», - dep túıdi Prezıdent.
