Prezıdent Álem kýboginiń jeńimpazy Ásem Orynbaıdy quttyqtady
ASTANA. KAZINFORM – Memleket basshysy Qasym-Jomart Toqaev stend atýdan Almatyda ótken Álem kýbogi kezeńinde jeńiske jetken Ásem Orynbaıdy quttyqtady.
Bul týraly QR Prezıdentiniń keńesshisi – Baspasóz hatshysy Aıbek Smadııarov óziniń resmı Telegram-arnasynda habarlady.
Prezıdent sportshynyń álemdik rekordty jańartyp, jarysta asqan sheberlik tanytqanyn atap ótken.
– Ásem Orynbaıdyń Álem kýbogi kezeńindegi, sondaı-aq Azııa chempıonaty men Azııa oıyndaryndaǵy tabysty óneri elimizde nysana kózdeý sportynyń damý deńgeıi joǵary ekenin kórsetedi, – delingen habarlamada.
Aıta keteıik, búgin Prezıdent bir top áskerı jáne kúshtik qurylym qyzmetkerlerine shen tapsyrdy.
