Prezıdent aldaǵy zańnamalyq bastamalar týraly qoǵamǵa tıisti aqparat berýdi tapsyrdy
ASTANA. QazAqparat - Memleket basshysy Nursultan Nazarbaev qajetti quqyqtyq jańalyqtardy qoǵamdyq talqylaý boıynsha Ekonomıkalyq yntymaqtastyq jáne damý uıymy elderiniń tájirıbesin belsendi iske qosýdy tapsyrdy.
«Parlament - bul halyqtyq ókildiktiń organy. Sondyqtan da Parlamenttiń qyzmeti qoǵam úshin barynsha ashyq bolýy kerek. Zańdy qabyldaýdyń qajettiligi men barlyq logıkasy qazaqstandyqtarǵa túsinikti bolýy mańyzdy. Adamdarǵa túsindirý sharalaryn kóbirek júrgizý kerek», - dedi Prezıdent altynshy saılanǵan QR Parlamentiniń ekinshi sessııasyn ashý barysynda.
Sonymen qatar Memleket basshy zań shyǵarýshylyq úderistiń shegin keńeıtý kerektigin aıta kele, jobalardy daıarlaý kezeńinde qoǵamdyq sarapshylardy, parlamenttik emes partııalardyń, ÚEU, BAQ ókilderin tartý qajet ekenin jetkizdi.
«Qajetti quqyqtyq jańalyqtardan aldyn ala halyqty aqparattandyrý men qoǵamdyq talqylaý boıynsha Ekonomıkalyq yntymaqtastyq jáne damý uıymy elderiniń tájirıbesin belsendi iske qosý kerek», - dep toqtaldy N. Nazarbaev.
Sóz sońynda Prezıdent zań shyǵarýshylyq úderiske qatysatyn memlekettik organdardyń barlyq basshylary, sondaı-aq partııalyq fraktsııada turaqty túrde josparlanyp otyrǵan zańnamalyq bastamalar jóninde qoǵamǵa aqparat berip otyrýy tıis ekenin atap ótti.
