Prezıdent aldaǵy reformaǵa qatysty pikir aıtty

QYZYLORDA. KAZINFORM — Bir el, bir halyq bolyp, qazirgi almaǵaıyp zamannyń syn-qaterlerine tótep beremiz. Bul týraly Ulttyq quryltaıdyń V otyrysynda Memleket basshysy Qasym-Jomart Toqaev málim etti.

— 2022 jylǵy júıeli ózgeristermen qatar alyp qaraǵanda, aldymyzda turǵan reformalardy júzege asyrý 1995 jyly osydan otyz jyldan astam ýaqyt buryn bekitilgen úlgiden múlde jańa konstıtýtsııalyq úlgige kóshý degen sóz. Osy bastamalar jalpyhalyqtyq referendýmda azamattarymyz tarapynan qoldaý tapqan jaǵdaıda Qazaqstannyń memlekettiligi, elimizdiń saıası júıesi túbegeıli jańǵyryp, elimiz jańa turaqtylyq deńgeıine kóterilmek. Osylaısha, biz bir el, bir halyq bolyp, qazirgi almaǵaıyp zamannyń syn-qaterlerine tótep beremiz, olardy eńseremiz, — dedi Qasym-Jomart Toqaev.

Budan buryn Prezıdent tsıfrlandyrý jáne jasandy ıntellekt jylyn sán qýyp, urandatý úshin jarııalamaǵanyn aıtty.