Prezıdent: Alataý jobasyn iske asyrýda ýaqyt sozýǵa bolmaıdy
QONAEV. KAZINFORM – Memleket basshysy Alataý jobasyna qatysty retteý aktilerin ázirleý barysynda mindetti túrde quqyqtyq júıelerdi qurý isinde mol tájirıbesi bar bilikti sheteldik sarapshylardy tartý qajet ekenin aıtty. Bul týraly Aqordanyń baspasóz qyzmeti habarlady.
Memleket basshysy Alataý jobasyna qatysty zańnamalyq jumys jyldam ári sapaly júrgizilýge tıis. Bul — asa mańyzdy strategııalyq mindet ekenin atap ótti.
— Túptep kelgende, mundaı jumys júıesi quqyqtyq turaqtylyqty saqtaýǵa múmkindik beredi jáne orynsyz zańnamalyq ózgeristerden qorǵap, jedel jáne tez sheshimder qabyldaýǵa yqpal etedi.
Alataý jobasyna qatysty retteý aktilerin ázirleý barysynda mindetti túrde osyndaı quqyqtyq júıelerdi qurý isinde mol tájirıbesi bar bilikti sheteldik sarapshylardy tartý qajet, — dedi Prezıdent.
Qasym-Jomart Toqaev jumysty soza berýge bolmaıtynyn eskertti.
— Qala ákimshiligi negizgi retteý aktileriniń barlyǵyn bir jyldyń ishinde qabyldaýdy josparlap otyr. Qalany damytý jónindegi keńes bul isti meılinshe tez qolǵa alýy kerek. Jumysty soza berýge bolmaıdy. Áıtpese, ınvestıtsııadan qur qalamyz. Bıznes ókilderi de bizge senip otyr, sondyqtan, bul jumysqa nuqsan keltirýge bolmaıdy.
Halyqaralyq ınvestorlar qolaıly jaǵdaı jasaıdy dep, jyldar boıy kútip otyrmaıdy. Olar qaı jerde mol múmkindik bolsa, soǵan saı birden shuǵyl sheshim qabyldaıdy. Alataý jobasyna qatysty zańnamalyq jumys jyldam ári sapaly júrgizilýge tıis. Bul — asa mańyzdy strategııalyq mindet, — dedi Qasym-Jomart Toqaev.
Aıta ketelik Prezıdent Qonaev qalasynyń ıfraqurylym qurylysyn synǵa alǵan edi.
