Prezıdent «Alataý» tehnoparkin tekserýdi tapsyrdy

ASTANA. QazAqparat - QR Prezıdenti Nursultan Nazarbaevtyń aıtýynsha, tsıfrlyq tehnologııalardy damytý aıasynda ǵylymǵa negizgi basymdyq beriledi. Osy oraıda Qazaqstannyń eki ǵylymı ortalyǵyna úlken senim artylyp otyr, dep habarlaıdy QazAqparat tilshisi.

«Tsıfrlyq Qazaqstanda» ǵylymǵa úlken basymdyq berilip otyr. Osy oraıda negizgi eki ortalyqty atap ótken jón. Ol - Nazarbaev Ýnıversıteti men «Alataý» tehnoparki. 
 Men Nazarbaev Ýnıversıtetiniń zerthanalaryn aralaǵanda biraz zertteýlerdi kórdim, nátıjesi de joq emes. Al «Alataý» ınnovatsııalyq tehnologııalar parki ne istep jatyr? Shynymdy aıtsam, oǵan qolym jetpeı júr. Ony qurǵanymyzǵa biraz ýaqyt boldy. Qyrýar aqshany da jumsadyq. Alaıda nátıjesi kórinbeıdi. Ózderi ne istep jatyr? Úkimette otyrǵandar biletin shyǵar», - dedi Nursultan Nazarbaev Indýstrıalızatsııa kúnine arnalǵan jalpyhalyqtyq kópir kezinde.

Osydan keıin Prezıdent Úkimet pen Almaty ákimine «Alataý» ınnovatsııalyq tehnologııalar parkin jan-jaqty tekserýdi tapsyrdy. «Bizge naqty bir sheshimge kelý kerek. Ony jabamyz ba, joq álde, ary qaraı damytamyz ba? Sony sheship alý kerek», - dep atap kórsetti Memleket basshysy.

Aıta keteıik ,  Prezıdenti Nursultan Nazarbaev sheteldegi qarjyny qaıtarýǵa qatysty arnaıy zańnamany da ázirleýdi tapsyrdy. Atalǵan mindet Úkimet basshysy Baqytjan Saǵyntaevqa júkteldi.  Prezıdenttiń aıtýynsha, búginde 25-30 jastaǵy mamandarǵa jol berý kere k.