Prezıdent: Alatau City jobasyna zor úmit artyp otyrmyz
ASTANA. KAZINFORM – Memleket basshysy Qasym-Jomart Toqaev Alataý qalasyn damytý jónindegi keńeste sóz sóıledi. Bul týraly Aqordanyń baspasóz qyzmeti habarlady.
— Ózderińiz de bilesizder, jańa qala salý týraly sheshim ekonomıkamyzda kúrdeli jaǵdaı bolǵan kezde qabyldandy. Biraq biz bul máselege baıyppen qaradyq. Asyǵystyqqa jol bergen joqpyz. Alatau City jobasy — shyn máninde, jan-jaqty zerdelendi, pysyqtaldy dep aıtýǵa bolady, — dedi ol.
Prezıdent Alatau City jobasyna zor úmit artyp otyrǵanyn aıtty.
— Jalpy, álemdik tájirıbege qaraıtyn bolsaq, dál osy bolashaq qalalaryn salý arqyly el damýyn jańa sapalyq deńgeıge kóterýge zor múmkindik týady. Mysaly, Dýbaı, Shenchjen, Inchhon, taǵy da birqatar qalanyń sátti jobalar ekeni barshaǵa málim.
Sol sebepti biz de Alatau City jobasyna zor úmit artyp otyrmyz. Bul iste eń aldymen quqyqtyq suraqtardy, jer jáne ınfraqurylym máselelerin sheshý qajet. Osy bastamany iske asyrýdyń bastapqy kezeńinde birqatar negizgi baǵytqa basa mán berýimiz kerek, — dedi Prezıdent.
Aıta ketelik Prezıdent Alataý qalasy qurylysynyń negizgi qaǵıdalary jańa Konstıtýtsııaǵa engizilgenin aıtqan edi.
