Prezıdent «Ál-Farabı» ordenin engizýdi usyndy

 ASTANA. KAZINFORM —  Bul týraly Memleket basshysy Qasym-Jomart Toqaev ǵalymdardy marapattaý rásiminde aıtty. 

— Qazaq dalasy kóptegen kemeńger tulǵalardyń mekeni bolǵanyn bilesizder. Sonyń ishinde álemge áıgili oıshyl ál-Farabıdiń orny erekshe.

Onyń murasy — búkil adamzattyń asyl qazynasy, órkenıet oıynyń shyńy.

Osyǵan oraı, men joǵary memlekettik marapattar tizimine arnaıy «Ál-Farabı» ordenin engizý qajet dep sanaımyn. Bul marapat bilim men ǵylym, mádenıet pen rýhanııat salasynda zor tabysqa jetken azamattarǵa beriledi.

«Meıirim», «Qoja Ahmet ıAsaýı», «Ál-Farabı» ordenderi bıyl alǵash ret Respýblıka kúni qarsańynda tapsyrylatyn bolady, — dedi Memleket basshysy.

Aıta ketelik Prezıdent kitap oqý úrdisi ulttyń ozyq qasıetine aınalǵany jón ekenin aıtqan edi.