Memleket basshysy «Aqjaıyq» shaǵyn aýdanyndaǵy turǵyn úı keshenine baryp kórdi
ShYMKENT. KAZINFORM — Prezıdent Qasym-Jomart Toqaev Shymkent qalasyna barǵan issapar aıasynda «Aqjaıyq» shaǵyn aýdanyndaǵy turǵyn úı keshenimen tanysty. Bul týraly Aqorda málim etti.
— Bul jerde jyl sońyna deıin 35 kóppáterli turǵyn úı boı kótermek. Baspanalar áleýmettik turǵydan az qamtylǵan azamattarǵa beriledi, sondaı-aq memlekettik ıpoteka baǵdarlamalary arqyly satylady, — delingen habarlamada.
Sonymen qatar Qasym-Jomart Toqaevqa eski úılerdi buzý jumystary jóninde baıandaldy.
Renovatsııa baǵdarlamasy aıasynda búginge deıin 248 otbasy apat aldyndaǵy úılerden jańa baspanalarǵa kóshirilgen. 2029 jylǵa qaraı bul kórsetkishti 604-ke deıin jetkizý kózdelip otyr.
Eske sala keteıik, buǵan deıin Memleket basshysy Shymkent qalasynyń perspektıvti qurylys josparymen tanysqan bolatyn.