Prezıdent aqyn Nurlan Orazalındi 75 jasqa tolǵan mereıtoıymen quttyqtady
NUR-SULTAN. QazAqparat – Memleket basshysy Qasym-Jomart Toqaev aqyn, Senatorlar keńesiniń múshesi Nurlan Orazalındi mereıtoıymen quttyqtady, dep habarlaıdy QazAqparat.
«Tabıǵı darynyńyzben erte tanylyp, aıqyn maqsat pen ortaq múdde jolynda ıgilikti isterdi júzege asyrdyńyz. Rýhanııat pen ádebıet salasynyń órkendeýine sińirgen eńbegińiz óte mol. Memleketimizdiń syndarly saıasatyn berik ustanyp, qajyrly qyzmet atqaryp, senim údesinen shyǵa bildińiz. El gazeti – «Egemen Qazaqstannyń» jańa beleske kóterilýine, otandyq baspasózdiń keń qanat jaıýyna mol úles qostyńyz. Uzaq jyl Jazaýshylar odaǵyna basshylyq jasap, irgeli ujymnyń bereke-birliginiń saqtalýyna bar kúsh-jigerińizdi jumsadyńyz. Parlament Senatynyń depýtaty bolǵan tusyńyzda, ásirese, áleýmettik-mádenı damý, ǵylym men bilim máselelerin qamtıtyn zańnamalardy jetildirýge belsendi atsalystyńyz», - delingen Prezıdenttiń quttyqtaý hatynda.
