Prezıdent aktrısa Ǵazıza Ábdinábıevanyń týystaryna kóńil aıtty
NUR-SULTAN. QazAqparat - Prezıdent Qasym-Jomart Toqaev kórnekti teatr jáne kıno aktrısasy Ǵazıza Ábdinábıevanyń otbasy men jaqyn týystaryna kóńil aıtty, dep habarlaıdy QazAqparat.
«Memleket basshysy Qazaqstannyń eńbek sińirgen ártisi, kórnekti teatr jáne kıno aktrısasy Ǵazıza Mákeshqyzy Ábdinábıevanyń dúnıeden ótýine baılanysty kóńil aıtyp, jedelhat joldady», - dep jazdy QR Prezıdentiniń baspasóz hatshysy Berik Ýálı jelidegi paraqshasynda.
«Ǵazıza Mákeshqyzy ár jyldary Ǵ.Músirepov atyndaǵy Qazaq memlekettik akademııalyq balalar men jasóspirimder teatrynda jáne M.Áýezov atyndaǵy Qazaq memlekettik akademııalyq drama teatrynda qyzmet jasady. Birqatar otandyq fılmder men teleserıaldarda basty rólderdi somdap, kórermenniń joǵary baǵasyn alǵan edi. Ol árbir qazaqstandyqtyń jadynda jarqyldap, jadyrap júretin beınesimen qaldy. Marqumnyń ımany salamat, jany jánnatta bolsyn», – delingen jedelhatta.
Buǵan deıin habarlaǵandaı, teatr jáne kıno aktrısasy Ǵazıza Ábdinábıeva ómirden ozdy.