Prezıdent Aqtóbe oblysynyń ákimin qabyldady
Memleket basshysy Qasym-Jomart Toqaevqa Aqtóbe oblysynyń áleýmettik-ekonomıkalyq damýy, óńirdegi epıdemıologııalyq ahýal týraly baıandaldy.
Ońdasyn Orazalın aımaqty damytý josparymen tanystyrdy. Atap aıtqanda, Aqtóbe oblysynyń batys óńirdi tolyqtaı azyq-túlikpen qamtamsyz etý múmkindigin paıdalana otyryp, mal azyǵyn daıyndaýdy arttyrý, sýarmaly jerlerdiń kólemin ulǵaıtý, óndiriske jańa tehnologııalardy engizý kózdelgen. Oblys ákimi óńirdiń kólik-logıstıkalyq áleýetiniń joǵary ekenin atap ótip, aımaqqa ınvestıtsııa tartý josparymen bólisti.
Qasym-Jomart Toqaev Ońdasyn Orazalınge Aqtóbe oblysynda ekonomıkalyq ósimdi qamtamasyz etýdi, halyqty tolǵandyrǵan áleýmettik máselelerdi udaıy nazarda ustap, ony retimen sheshýdi, «Jumyspen qamtýdyń jol kartasy» baǵdarlamasy aıasynda jumys oryndaryn kóptep ashýdy tapsyrdy.