Prezıdent Aqtóbe qalasyndaǵy bolat qubyrlaryn shyǵaratyn zaýyttyń jumysymen tanysty
AQTÓBE. KAZINFORM - Kásiporyn jylyna 20 myń tonna ónim óndiredi. Quny 3,5 mıllıard teńge bolatyn nysan bıyl shilde aıynda paıdalanýǵa berilgen, dep habarlaıdy Aqordanyń baspasóz qyzmeti.
Zaýyt quryltaıshysy Mırǵalı Býrbaevtyń aıtýynsha, qazir óndiris ornynda qubyrlardy, metall ázirlemelerin daıyndaıtyn qondyrǵylar iske qosylǵan.
Prezıdentke zaýytty damytýdyń uzaqmerzimdi jospary baıandaldy. Kásiporyn aldaǵy ýaqytta shyǵarylatyn ónim túrlerin kóbeıtip, tsehtardyń qýattylyǵyn arttyrýdy kózdep otyr.
Sondaı-aq Qasym-Jomart Toqaev jergilikti taýar óndirýshilerdiń kórmesin aralady.
Kórmege óndiris jáne temirjol salasyna arnalǵan jabdyqtar, sondaı-aq medıtsınalyq qondyrǵylar men dári-dármekter, arnaıy kıimder, turmystyq hımııa, santehnıka buıymdaryn shyǵaratyn kásiporyndardyń ónimderi qoıylǵan.
Osyǵan deıin Prezıdenttiń №1 Hromtaý orta mektebin aralap kórgeni týraly jazǵan edik.