Prezıdent Aqtaýǵa túrki áleminiń mádenı astanasy mártebesiniń berilýimen quttyqtady
AQTAÝ. KAZINFORM — Memleket basshysy Qasym-Jomart Toqaev «Aqtaý — túrki áleminiń mádenı astanasy» gala-kontsertiniń ashylý saltanatyna oraı quttyqtaý hatyn joldady.

Prezıdenttiń atynan joldanǵan hatty Mádenıet jáne aqparat mınıstri Aıda Balaeva oqydy.

— Sizderdi Aqtaý qalasynyń túrki áleminiń 2025 jyly mádenı astanasy atanýymen quttyktaımyn. Bul — Qazaqstan úshin ǵana emes, barsha baýyrlas elder úshin aıtýly oqıǵa. Shejireli Mańǵystaý, qazynaly Ústirt aımaǵy tutas túrki órkenıetiniń ajyramas bóligi sanalady. Kıeli ólkede ultymyzdyń, jalpy túrki dúnıesiniń san ǵasyrlyq rýhanı murasy saqtalǵan. Tarıhy tamyrlas, dástúri sabaqtas halyqtardyń yntymaqtastyǵyn odan ári nyǵaıtý — barshamyzdyń ortaq mindetimiz. Osy ataýly jylda baýyrlastyǵymyzdy bekemdeı túsetin basqosýlar uıymdastyrylyp, mańyzdy sheshimder qabyldanady dep senemin. Túrki memleketteriniń yqpaldastyǵyn arttyrýǵa zor úles qosyp júrgen TÚRKSOI uıymyna jáne osy is-sharany uıymdastyrýshylarǵa shynaıy rızashylyǵymdy bildiremin. Túbi bir túrki jurtynyń birligi nyǵaıa bersin. Barshańyzǵa baq-bereke, tolaıym tabys tileımin, — delingen Memleket basshysynyń quttyqtaý hatynda.

Eske sala keteıik, buǵan deıin Aqtaýdaǵy aýqymdy gala-kontsert bastalǵanyn jazǵan edik.