Prezıdent AQSh Úkimetine jer ýchaskesin jalǵa berý jóninde kelisimdi ratıfıkatsııalaý týraly Zańǵa qol qoıdy

ASTANA. KAZINFORM — Memleket basshysy Qasym-Jomart Toqaev AQSh Úkimetine jer ýchaskesin jalǵa berý týraly kelisimdi ratıfıkatsııalaý týraly  Zańǵa qol qoıdy. Bul týraly Aqorda málim etti. 

— Memleket basshysy «Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy Almaty qalasynda Amerıka Qurama Shtattarynyń konsýldyq mekemesiniń úı-jaılaryn salý úshin Amerıka Qurama Shtattarynyń Úkimetine jer ýchaskesin jalǵa berý týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy, — delingen habarlamada. 

Zańnyń mátini baspasózde jarııalanady.