Prezıdent AQSh Saýda mınıstrimen kezdesti

NЬıÝ-IORK. KAZINFORM — Memleket basshysy men AQSh Saýda mınıstri Govard Latnık ekijaqty saýda-ekonomıkalyq yntymaqtastyqtyń keń kólemdi máselelerin qarastyrdy. Bul týraly Aqorda málim etti.

— Qasym-Jomart Toqaev elimiz Amerıka Qurama Shtattarymen yqpaldastyqty damytýǵa erekshe mán beretinin atap ótti. AQSh elimizdiń negizgi ınvestıtsııalyq seriktesteriniń biri sanalady. Prezıdent Qazaqstanda sheteldik ınvestorlarǵa qolaıly jaǵdaı jasalǵanyn aıtty. Memleket basshysy elimizde amerıkalyq bıznes úshin energetıka, kólik-logıstıka, tsıfrlandyrý, aýyl sharýashylyǵy salalarynda úlken múmkindik bar ekenin jetkizdi, — delingen habarlamada.

Govard Latnık Qurama Shtattardyń Qazaqstanmen saýda-ekonomıkalyq, ındýstrıaldyq, kólik-logıstıkalyq jáne ınvestıtsııalyq salalarda birlesken jobalardy odan ári damytýǵa qyzyǵýshylyq tanytatynyna toqtaldy.

AQSh Saýda mınıstri Govard Latnık:

— Bizdiń Prezıdentpen sóıleskenińizge óte qýanyshtymyn. Ol Ózińizben birlesip, kóp jumys atqarýǵa nıetti ekenin jetkizdi.

AQSh Saýda mınıstri Govard Latnık Qazaqstanmen saýda-ekonomıkalyq yqpaldastyq perspektıvasy týraly aıtty.

— Eki eldiń ekonomıkalyq yntymaqtastyǵyn nyǵaıtý ózara saýda baılanystaryn damytýda negizgi ról atqarady jáne mańyzdy mıneraldardy ıgerý salasynda jańa múmkindikterge jol ashady. Biz bul baǵytta birlesip ınvestıtsııa quıa alamyz. Lokomotıv sektorynda Wabtec kompanııasyn tańdaǵandaryńyzǵa qýanyshtymyz. Bul — ekijaqty yqpaldastyqtyń negizi, — dedi AQSh Saýda mınıstri.

Aıta keteıik, buǵan deıin amerıkalyq Wabtec kompanııasymen birqatar kelisimge qol qoıyldy.