Prezıdent AQSh Prezıdentiniń Ońtústik jáne Ortalyq Azııadaǵy arnaýly ókili Serdjıo Gordy qabyldady
NЬıÝ-IORK. KAZINFORM — Qasym-Jomart Toqaev Serdjıo Gordy AQSh Prezıdentiniń Ońtústik jáne Ortalyq Azııa isteri boıynsha arnaýly ókili jáne AQSh-tyń Úndistandaǵy elshisi laýazymyna taǵaıyndalýymen quttyqtady. Bul týraly Aqordanyń baspasóz qyzmeti habarlady.
Osy rette Qazaqstan Úkimeti onyń mıssııasyna jan-jaqty qoldaý kórsetetinin aıtty.
Memleket basshysy qazaq-amerıka strategııalyq seriktestigin naqty jetistiktermen odan ári nyǵaıtýǵa baǵyttalǵan dıalogty jalǵastyrýǵa daıyn ekenin jetkizdi.
Áńgimelesý barysynda saýda-ekonomıkalyq yqpaldastyqty damytýǵa mán berildi. Memleket basshysy elimiz AQSh-tyń Ortalyq Azııadaǵy negizgi ekonomıkalyq seriktesi sanalatynyn atap ótti.
Qasym-Jomart Toqaev pen Serdjıo Gor kún tártibindegi halyqaralyq jáne óńirlik ózekti máseleler jóninde pikir almasty.
Aıta ketelik Memleket basshysy Meta kompanııasynyń vıtse-prezıdentin qabyldaǵan edi.