Prezıdent AQSh-pen qarym-qatynasty nyǵaıtýdy syrtqy saıasattyń mańyzdy baǵyty dep atady
NЬıÝ-IORK. KAZINFORM — Amerıka Qurama Shtattarymen strategııalyq seriktestikti odan ári nyǵaıtý elimizdiń syrtqy saıasatyndaǵy uzaq merzimdi basymdyqtardyń biri. Prezıdent Amerıkanyń bıznes ókilderimen ótken «dóńgelek ústel» otyrysynda osylaı dedi.
Bul týraly Aqordanyń baspasóz qyzmeti habarlady.
Prezıdent mádenıetke bıznes tarapynan qoldaý kórsetý máselesin de qozǵady.
— Qazaqstannyń mádenı mura qoryn qurý týraly Smıtson ınstıtýtynyń sheshimin erekshe yqylaspen qabyl aldym. Atalǵan qor halqymyzdyń baı murasyn saqtaý, zertteý jáne álemde nasıhattaýmen aınalysady. Osy mańyzdy bastamany belsendi túrde qoldaǵany úshin Chevron kompanııasy dırektorlar keńesiniń tóraǵasy Maıkl Ýırt myrzaǵa rıshalyǵymdy bildiremin, — dedi Qasym-Jomart Toqaev.
Memleket basshysy Amerıka Qurama Shtattarymen strategııalyq seriktestikti odan ári nyǵaıtý elimizdiń syrtqy saıasatyndaǵy uzaq merzimdi basymdyqtardyń biri ekenin aıtty.
— Qazaqstan geografııalyq turǵydan sezimtal aımaqta ornalasqan. Biz ózimizdiń strategııalyq maqsatymyzdan, sonyń ishinde AQSh-pen tyǵyz yntymaqtastyq jasaý nıetimizden aınymaımyz. Óıtkeni AQSh bizdiń táýelsizdigimizdi álemdegi alǵashqy elderdiń biri bolyp moıyndady jáne árdaıym Qazaqstannyń egemendigi men aýmaqtyq tutastyǵyn qoldap keledi. Halqymyz Amerıkanyń bul ustanymyn shynaıy qurmetteıdi. Elimizde júrgizilip jatqan aýqymdy saıası-ekonomıkalyq reformalar, ashyq jáne ınvestıtsııaǵa qolaıly saıasat júrgizý ustanymy amerıkalyq kompanııalardyń Qazaqstanda alańsyz bıznes júrgizýine kepildik beredi ári olardyń senimdi, uzaq merzimdi seriktes bolýyna múmkindik jasaıdy, — dedi Qasym-Jomart Toqaev.
Buǵan deıin habarlanǵandaı, Prezıdent Qazaqstan birte-birte óńirlik akademııalyq jáne ǵylymı-zertteý habyna aınalyp kele jatqanyn aıtty.