Prezıdent: AQSh Qazaqstannyń jetekshi bıznes seriktesteriniń qataryna kiredi

NЬıÝ-IORK. QazAqparat - Memleket basshysy Qasym-Jomart Toqaev AQSh-qa jumys sapary barysynda iri bıznes ókilderimen kezdesti, dep habarlaıdy QazAqparat Prezıdenttiń Twitter paraqshasyna silteme jasap.

«AQSh-tyń iri bıznes ókilderimen kezdesýde ekijaqty saýda-ekonomıkalyq jáne ınvestıtsııalyq baılanystardy damytý jóninde syndarly dıalog boldy. AQSh dástúrli túrde Qazaqstannyń jetekshi bıznes seriktesteriniń qataryna kiredi. Yntymaqtastyǵymyzdyń keleshegi zor ekeni sózsiz», - dep jazdy Qasym-Jomart Toqaev.

Eske sala keteıik, Memleket basshysy jumys saparymen AQSh-ta júr. Qasym-Jomart Toqaev Nıý-Iorkte belgili amerıkalyq saıasatkerlermen jáne sarapshylar qaýymdastyǵynyń ókilderimen kezdesti. Jıyndy AQSh-taǵy yqpaldy taldaý ortalyǵy sanalatyn «Atlantic Council» («Atlantıkalyq keńes») uıymy uıymdastyrǵan.

Sondaı-aq, Qazaqstan Prezıdenti «Bloomberg» aqparat agenttiginiń basshysy Maıkl Blýmbergpen kezdesip, Qazaqstan men «Bloomberg» aqparat agenttigi arasyndaǵy yntymaqtastyqtyń keleshegin talqylady.