Prezıdent aqparatqa qol jetkizýge qatysty zańǵa qol qoıdy
ASTANA. KAZINFORM — Aqorda Prezıdenttiń aqparatqa qol jetkizýge qatysty zańǵa qol qoıǵanyn málimdedi.
— Memleket basshysy «Qazaqstan Respýblıkasynyń keıbir zańnamalyq aktilerine aqparatqa qol jetkizý, qoǵamdyq qatysý, memlekettik nagradalar jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy, — dep jazylǵan resmı aqparat kózinde.
Zańnyń mátini baspasózde jarııalanady.
Eske sala keteıik, buǵan deıin memlekettik qyzmet máselelerine qatysty zańǵa ózgeris engizilgenin jazǵan bolatynbyz.
