Prezıdent Ákimshiliginiń Ótinishterdi qaraýdy baqylaý bóliminiń meńgerýshisi taǵaıyndaldy
ASTANA. KAZINFORM — Memleket basshysynyń ókimimen Baqyt Esimova Qazaqstan Respýblıkasy Prezıdenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyna taǵaıyndaldy. Bul týraly Aqordanyń baspasóz qyzmeti habarlady.
Baqyt Esimova Pavlodar oblysynda dúnıege kelgen. Sankt-Peterbýrg memlekettik ınjenerlik-ekonomıkalyq ýnıversıtetin bitirgen (2006, «Bolashaq» baǵdarlamasy boıynsha).
Eńbek joly: «Qazaqstan jastary kongresi» zańdy tulǵalar qaýymdastyǵynyń menedjeri, atqarýshy dırektor keńsesiniń basshysy (2006-2007); «Saýda saıasatyn damytý ortalyǵy» aktsıonerlik qoǵamynyń sarapshysy (2007-2008); Qazaqstan Respýblıkasy Memlekettik qyzmet isteri agenttiginiń strategııalyq josparlaý jáne qoǵammen baılanys bóliminiń basshysy (2008-2010); Aqmola oblysynyń jumyspen qamtýdy úılestirý jáne áleýmettik baǵdarlamalar departamenti basshysynyń orynbasary (2010-2011); Aqmola oblysynyń jumyspen qamtýdy úılestirý jáne áleýmettik baǵdarlamalar departamentiniń basshysy (2011-2013); Aqmola oblysy ákimi apparatynyń basshysy (2013-2015); «Astana qalasynyń Іshki saıasat departamenti» memlekettik mekemesiniń basshysy (2015-2020); Qostanaı oblysy ákiminiń orynbasary (2020-2022).
2022 jyldyń mamyr aıynan QR Prezıdenti Ákimshiliginiń Ótinishterdi qaraýdy baqylaý bólimi basshysynyń orynbasary boldy.
