Prezıdent Ákimshiliginiń Basshysy Aıbek Dádebaı Raqymjan Qoshqarbaev eskertkishine gúl shoǵyn qoıdy
ASTANA. KAZINFORM — Qazaqstan Respýblıkasynyń Prezıdenti Ákimshiliginiń Basshysy Aıbek Dádebaı Reıhstagqa birinshi bolyp tý tikken qazaq halqynyń uly perzenti, «Halyq qaharmany» Raqymjan Qoshqarbaevtyń elordadaǵy eskertkishine gúl shoǵyn qoıyp, Ekinshi dúnıejúzilik soǵysta erlikpen qaza tapqan qazaqstandyq jaýyngerlerdiń rýhyna taǵzym etti. Bul týraly Aqordnyń baspasóz qyzmeti málim etti.
Aıta keteıik, Prezıdent qazaqstandyqtardy Jeńis kúnimen quttyqtady.
Búgin – Ekinshi dúnıejúzilik soǵysta jaý áskerin túpkilikti talqandap, jeńiske jetken kún. Bıyl Jeńiske 80 jyl toldy.
Memlekettik keńesshi Erlan Qarın Uly Jeńistiń 80 jyldyǵyna arnalǵan jalpyulttyq is-sharalar aıasynda Keńes Odaǵynyń Batyry Álııa Moldaǵulovanyń eskertkishine gúl shoǵyn qoıdy. Bul týraly Aqorda málim etti.
Jıynǵa Ulttyq quryltaıdyń jáne Jastar saıasaty jónindegi keńestiń birqatar múshesi qatysty.
Bıyl elimiz Álııa Moldaǵulovanyń 100 jyldyq mereıtoıyn atap ótip jatyr.