Prezıdent Ákimshiligi quqyq qorǵaý organdaryna tán birqatar kemshilikti anyqtady
ASTANA. KAZINFORM — 2025 jylǵy 23 maýsymdaǵy Keńeıtilgen alqa májilisinde Memleket basshysy bergen tapsyrmalar boıynsha Prezıdent Ákimshiligi quqyq qorǵaý organdarynyń qyzmetine taldaý júrgizdi. Bul týraly Aqorda málim etti.
— Jekelegen kúshtik organdarǵa ǵana tán kemshiliktermen qatar, jumystyń tıimdiligine tikeleı áser etetin jalpy problemalyq baǵyttar anyqtaldy. Taldaý nátıjeleri boıynsha kemshilikterdi joıý boıynsha naqty usynystar ázirlendi, olardyń pysyqtalýyn jaýapty memlekettik organdar qysqa merzimde qamtamasyz etýge tıis. Qabyldanyp jatqan sharalar, qol jetkizgen nátıjeler men tıisti qorytyndylar Memleket basshysyna baıandalatyn bolady, — delingen habarlamada.
Tapsyrmanyń tıisti oryndalýyn baqylaý Prezıdent Ákimshiligimen qamtamasyz etiletin bolady.