Prezıdent Ákimshiligi Almaty ákimi qyzmetiniń tıimdiligine saraptama júrgizedi
ASTANA. KAZINFORM — Prezıdent Qasym-Jomart Toqaev 2025 jyldyń 28-29 naýryz kúnderi Almatyǵa jasaǵan jumys sapary barysynda Erbolat Dosaevqa qalany jan-jaqty damytýǵa qatysty tapsyrma bergen bolatyn.
Bul týraly Prezıdenttiń baspasóz hatshysy Rýslan Jeldibaı málim etti.
— Prezıdent Qasym-Jomart Toqaev 2025 jyldyń 28-29 naýryz kúnderi Almatyǵa jasaǵan jumys sapary barysynda Erbolat Dosaevqa qalany jan-jaqty damytýǵa qatysty tapsyrma bergen bolatyn. Osyǵan sáıkes, qala ákimdigi naqty is-sharalar josparyn ázirledi. Memleket basshysynyń tapsyrmasyn oryndaý jónindegi esep bekitilgen tártip boıynsha daıyndalyp, merziminde usynylyp otyr. Ákim qyzmetiniń tıimdiligine Prezıdent Ákimshiligi saraptama júrgizedi. Atqarylǵan jumystardyń naqty nátıjeleri boıynsha Almaty qalasy ákimdigi aqparattandyryp otyrady, — dep jazdy Rýslan Jeldibaı áleýmettik jelidegi paraqshasynda.
Buǵan deıin QR Prezıdenti densaýlyq saqtaý, oıyn bıznesine qatysty zańǵa qol qoıǵanyn jazǵanbyz.