Prezıdent Aqmola oblysyndaǵy ekologııalyq máselelerdi sheshýdi tapsyrdy
KÓKShETAÝ. QazAqparat - QR Prezıdenti Qasym-Jomart Toqaev Kókshetaýda ótken Aqmola oblysyn damytý máseleleri jónindegi keńeste óńirdegi ekologııalyq máselelerdi sheshý týraly tapsyrma berdi, dep habarlaıdy QazAqparat tilshisi.
«Oblysta kúrdeli ekologııalyq jaǵdaı qalyptasyp otyr. Ekologııalyq jaǵdaıdy oń sheshý úshin Şýchınsk-Býrabaı kýrortty aımaǵynda aýanyń lastanýy, ıaǵnı kómir arqyly jyltylatyn qazandyqtardan shyǵarylatyn qaldyq zattar máselesin sheshýimiz kerek. Jylý agregattaryn ekologııalyq tıimdi jabdyqtarǵa aýystyrý jumystaryn jalǵastyrý qajet. Keleshekte bul másele Kókshetaýǵa deıin kýrortty nysandaryn qosýda ekinshi «Saryarqa» gazqubyry avtomagıstaralyn júzege asyrý arqyly sheshiletin bolady», - dedi Qasym-Jomart Toqaev.
Memleket basshysy atap ótkendeı, qatty turmystyq qaldyqtardy joıý máselesi osyǵan deıin birneshe ret aıtyldy. Kókshetaýdyń qatty turmystyq qaldyqtardy tógetin polıgonda qoqystardy bólip, suryptap, qaıta óńdeý jumystary durys jolǵa qoıylmaı keledi.
«Ruqsat etilmegen qoqys alańdarynyń sany artýda. Qatty turmystyq qaldyqtardy joıatyn tehnologııa qajet. Ákimdikterge ruqsat etilmegen qoqys alańdaryn joıý boıynsha jumystardy shıratý qajet», - dedi Prezıdent.
Keńeste aıtylǵandaı, Stepnogordegi ýran kenin óndirý zaýytynda jınalyp qalǵan qaldyqtardy joıý máselesi áli sheshilgen joq.
«Mindetti túred ýran óndirý kesheni nysandarynda qaıta óńdeý jumystaryn júrgizý kerek», dep tolyqtyrdy Prezıdent.
