Prezıdent Ákimshiliginiń basshylyǵy Raqymjan Qoshqarbaevtyń eskertkishine gúl shoǵyn qoıdy

NUR-SULTAN. QazAqparat - Búgin Qazaqstan Respýblıkasynyń Prezıdenti Ákimshiliginiń basshylyq quramy Reıhstagqa birinshi bolyp tý tikken qazaq halqynyń uly perzenti, «Halyq Qaharmany» Raqymjan Qoshqarbaevtyń eskertkishine gúl shoǵyn qoıyp, qazaqstandyq jaýyngerlerdiń rýhyna taǵzym etti.

Saltanatty sharaǵa Prezıdent Ákimshiliginiń Basshysy Murat Nurtileý men Prezıdent Ákimshiligi Basshysynyń orynbasary Aıda Balaeva qatysty.

Eske salaıyq, búgin Prezıdent Qasym-Jomart Toqaev, Memlekettik hatshy Erlan Qarın, Senat spıkeri Máýlen Áshimbaev pen Úkimet basshysy Álıhan Smaıylov Jeńis kúni merekesine arnalǵan is-sharalarǵa qatysty.