Prezıdent Ákimshiligi Basshysynyń orynbasary T. Donaqovtyń tóraǵalyq etýimen ótken keńeste zańdylyqty qamtamasyz etý, qylmysqa jáne sybaılas jemqorlyqqa qarsy kúres máseleleri qaraldy
ASTANA. Sáýirdiń 27-si. QazAqparat - Búgin elordada Prezıdent Ákimshiligi Basshysynyń orynbasary Talǵat Donaqovtyń tóraǵalyq etýimen keńes ótkizildi, onyń jumysyna Bas Prokýror Q. Mamı, Joǵarǵy Sottyń tóraǵasy M. Álimbekov jáne quqyq qorǵaý organdarynyń birinshi basshylary qatysty,
dep habarlaıdy QazAqparat.
Keńeste zańdylyqty qamtamasyz etý, qylmysqa jáne sybaılas jemqorlyqqa qarsy kúres jaǵdaıy máseleleri qaraldy. Sondaı-aq quqyq qorǵaý organdarynyń 2010 jylǵy І-toqsandaǵy jumysynyń qorytyndysy jasaldy.
T. Donaqov óziniń sózinde memlekettik basqarý ınstıtýttary júıesinde quqyq qorǵaý organdarynyń mańyzdy ról atqaratyndyǵyn, sebebi azamattardyń áleýmettik ál-aýqaty eleýli mólsherde zańdylyq pen quqyq tártibiniń deńgeıine baılanysty ekenin atap kórsetti.
Osyǵan baılanysty el Prezıdenti N.Á. Nazarbaevtyń halyqqa Joldaýynda aıtylǵan tapsyrmalarynyń múltiksiz oryndalý qajettiligine nazar aýdaryldy. Azamattardyń quqyqtaryn qorǵaý jáne zańdylyqty saqtaý basymdylyǵy quqyq qorǵaý organdary jumysynyń negizgi prıntsıpi bolý qajet.
Qylmystyq jaǵdaı aýyr qylmystar (7,6%-ǵa), esirtkilerdiń zańsyz aınalymy (8,9 %-ǵa), kámeletke tolmaǵandar jasaǵan qylmystar (19,4%-ǵa) sanynyń tómendeýimen, qylmystardy ashýdyń ósýimen jáne ózge oń tendentsııalarmen sıpattalatyny atap ótildi.
Osy oraıda, tirkelgen qylmystardyń sany 10,2 paıyzǵa artty. Maskúnemdiktiń aldyn alý boıynsha jumystardyń azaıǵany atap ótildi. Aýyr qylmystardyń basym bóligi maskúnemdik kúıinde jasalady. Kóshelerde jáne ózge qoǵamdyq oryndarda azamattardyń qaýipsizdigin qamtamasyz etý máseleleriniń ózekti bolýy jalǵasýda, bul quqyq tártibi organdarynyń jumysyn uıymdastyrýǵa jańa tásilderdi qoldanýdy talap etedi.
Іshki ister mınıstriniń, Ekonomıkalyq qylmysqa jáne sybaılas jemqorlyqqa qarsy kúres agenttigi tóraǵasynyń, kedendik baqylaý jáne qylmystyq-atqarý júıesi komıtetteri tóraǵalarynyń baıandamalary tyńdaldy.
Máselelerdi talqylaý nátıjeleri boıynsha eldegi zańdylyqty jáne quqyq tártibin nyǵaıtý, onyń ishinde kóshelerde jáne ózge qoǵamdyq oryndarda tártipti ornatý, kóshi-qon baqylaýyn kúsheıtý, uıymdasqan jáne transulttyq uıymdasqan qylmysqa qarsy kúres, qarý-jaraqtyń aınalymyn baqylaý, keden jáne ekonomıkalyq qyzmet salasynda qylmystardyń aldyn alý sharalaryn qoldaný jáne olardy ýaqtyly ashý boıynsha mindetter anyqtaldy.
Keńeste sondaı-aq Qazaqstan Respýblıkasy Prezıdentiniń 2009 jylǵy 22 sáýirdegi «Qazaqstan Respýblıkasynda qylmysqa jáne sybaılas jemqorlyqqa qarsy kúresti kúsheıtý jáne quqyq qorǵaý qyzmetin odan ári jetildirý jónindegi qosymsha sharalar týraly» № 793 Jarlyǵyn iske asyrý barysy týraly másele qaraldy.
