Prezıdent: Ákimdiktiń baıaý jumysynyń kesirinen halyq gazdy ýaqtyly ala almaı otyr
«Memleket magıstraldy gaz qubyryn jedel qarqynmen júrgizdi. Áıtse de, sol ýaqytta ol jerde eshqandaı jumys jasalmaǵan. Jeliler daıyn emes. Ákimdiktiń baıaý jumysy saldarynan turǵyndar gazdy ýaqtyly ala almaıdy. Eldi mekenderdiń ishindegi jelilerdi salý úshin áli tıisti qujattar daıyndalmaǵan», - dedi Qasym-Jomart Toqaev Aqmola oblysyn damytý máseleleri jónindegi keńeste.
Prezıdent osyǵan baılanysty Úkimetke oblys ákimdigimen birge 2020-2021 jyldary Arshaly jáne Tselınograd aýdandarynda gazben jabdyqtaý jelileriniń qurylysyn júrgizýdi tapsyrdy.
«Qosshy - aglomeratsııa mańyndaǵy ınfraqurylym máselelerin sheshý úshin jumysty tez arada júrgizý qajettiliginiń jarqyn mysaly. Qosshy halqy boıynsha 3 túrli statıstıka bar: is júzinde onda 52,5 myń adam turady. Sol sekildi Jaqsyda marganets kenin óndiretin ashyq kásiporyn jobasyn iske asyrý máselesi talqylanyp jatyr. Turǵyndar ken ornyn ıgerýge úzildi-kesildi qarsy. Ákimdik pen Úkimet sheshim qabyldaǵan kezde halyqtyń pikirin eskerýi kerek», - dedi Prezıdent.
