Prezıdent ákimderge óz óńirlerindegi kásiporyndardyń básekege qabilettiligine basa nazar aýdarýdy tapsyrdy

Osy oraıda Memleket basshysy egerde elimizge keletin ımport basym bolsa, oblystarda ındýstrııalandyrý damymaıtyndyǵyn eskertip ótti.

«Bul barshalaryńyzǵa qatysty. Osy másele qatań baqylaýda bolýy kerek»,-dep qadap aıtty N. Nazarbaev.

Bul turǵyda Elbasy elimizdiń taýarlary básekege qabiletti bolmaýy saldarynan Qazaqstannyń eksporttyq áleýeti damymaı, tek taýarlardy satyp alý arqyly elimizdiń kásiporyndary toqtap qalýy múmkin ekendigin qatań eskertti.

Sóz sońynda Prezıdent elimizge barsha álemmen básekeles bolýǵa týra keletinin, sondyqtan taýardyń básekege qabilettiligi qatań baqylaýda bolýy tıistigin qadap aıtty.