Prezıdent ákimderge: Qurylysta otandyq materıaldardyń paıdalanylýyn qatań baqylańyzdar

ASTANA. QazAqparat - Oblystardaǵy turǵyn úı qurylysyna otandyq materıaldardy paıdalaný qajet. Búgin Úkimettiń keńeıtilgen otyrysynda Elbasy Nursultan Nazarbaev oblys ákimderine osyndaı tapsyrma berdi, dep habarlaıdy QazAqparat tilshisi.

QR Prezıdenti turǵyn úı qurylysynda otandyq materıaldardy paıdalaný el ekonomıkasynyń lokomotıvi bolyp sanalatyndyǵyn basa aıtty.

«Barlyq ákimder qajetti materıaldardyń barlyǵyn oblystarda shyǵýyn jáne qurylysta paıdalanýyn qatań baqylaýǵa alyńyzdar. Sonda basqa da mekemelerge jumys beresizder, tabys tabady», -dep eskertti Nursultan Nazarbaev.

Al Indýstrııa jáne ınfraqurylymdyq damý mınıstri Jeńis Qasymbektiń aıtýynsha, jobalaý jáne qurylys kezeńi kezinde otandyq materıaldardy qoldaný máselesi erekshe baqylaýǵa alyndy.

«Ótken jyldyń qorytyndysy boıynsha qurylystaǵy qazaqstandyq qamtý úlesi 77 paıyzdy qurady. Osyǵan baılanysty deńgeı 2017 jyly 5 paıyzǵa, onyń ishinde turǵyn úı qurylysy boıynsha 86 paıyzǵa artty», - dedi mınıstr.