Prezıdent: Ákimderdiń jumysyna jan-jaqty taldaý jasalady
Suhbat barysynda tilshi bolyp jatqan kadrlyq ózgerister jaıynda surady. «Biraq ákimderdiń basym kópshiligi áli ornynda otyr. Olardyń jaǵdaıy qalaı bolmaq? Aldaǵy ýaqytta oblys ákimderi saılana ma?» dep suraq qoıdy tilshi.
Osy oraıda Prezıdent tıisti ózgerister bolatynyn atap ótti.
«Jalpy aıtqanda, kadrlyq aýys-túıis – úzdiksiz jalǵasa beretin úderis. Laýazym máńgilik dúnıe emes. Jumystyń jańa talabyna ıkemdele almaǵan adamdar qyzmetten ketýge májbúr bolady. Olardyń ornyn jańa kadrlar basady. Ákimniń bárin aýystyrý meniń negizgi maqsatym emes. Ákimderdiń jumysyna jan-jaqty taldaý jasalady. Negizgi talap – azamattardyń ál-aýqatyn arttyrý. Sondyqtan qajettilik bolsa, tıisti kadrlyq sheshimderdi qabyldaımyn. Mindetti túrde ózgerister bolady», - dedi Memleket basshysy
«Men 2020 jyly halyqqa Joldaýymda alǵash ret aýyl ákimderin saılaý týraly aıttym. Kóp uzamaı aýyl ákimderin saıladyq. Byltyrǵy Joldaýymda «Kelesi qadam – aýdan ákimderiniń saılaýy» dep aıttym. Ony 2024 jyly ótkizemiz. Bálkim, pılottyq joba retinde kelesi jyldan bastasaq, oryndy bolar», - dedi Qasym-Jomart Toqaev.
