Prezıdent ákimderdiń aktileriniń kúshin joıa alady - Igor Rogov

ASTANA. QazAqparat - Prezıdent oblys jáne qala ákimderi shyǵarǵan aktilerdiń kúshin joıa alady. Bul týraly búgin Parlament palatalarynyń birlesken otyrysynda Konstıtýtsııalyq Keńes basshysy Igor Rogov málim etti, dep xabarlaıdy QazAqparat.

Otyrys barysynda QR Parlamentiniń depýtaty Serik Bekturǵanov osy bapqa qatysty saýal qoıǵan bolatyn.

«Konstıtýtsııalyq ózgerister týraly zań jobasynda Prezıdent oblys, qala jáne Astana ákimderiniń aktilerin tolyq nemese jartylaı toqtata alady dep kórsetilgen. Sonymen qatar Konstıtýtsııanyń ózge de baptary boıynsha Úkimet oblys, qala jáne Astana ákimderiniń aktilerin tolyq nemese jartylaı toqtata alady dep jazylǵan. Osy eki bap bir-birimen básekelesip, keıin birqatar qaıshylyqtarǵa alyp kelmeı me?», - dep surady depýtat.

Óz kezeginde, Konstıtýtsııalyq Keńes basshysy ondaı qaıshylyqtar bolmaıtynyn atap ótti.

«Bul baptar jańadan engizilgen baptar emes, olar qazirgi Konstıtýtsııada da bar. Bundaı quzyr qaldyryldy. Tájirıbemizde ondaı básekelestikter oryn alǵan emes», - dep jaýap berdi Igor Rogov.

Aıta keteıik, búgin Parlamenttiń birlesken otyrysynda «QR Konstıtýtsııasyna ózgertýler men tolyqtyrýlar engizý týraly» zań jobasy talqylanýda.

Otyrys basynda QR Prezıdenti baıandama jasady.