Prezıdent ákimder qabyldaǵan aktilerdiń kúshin joıa almaıtyn bolady – Memlekettik hatshy

NUR-SULTAN. QazAqparat – QR Memlekettik hatshysy Erlan Qarın konstıtýtsııalyq reforma aıasynda ákimderdi saılaý jáne taǵaıyndaý tártibi qalaı ózgeretinin málim etti, dep habarlaıdy QazAqparat tilshisi.

«Oblys ákimderin taǵaıyndaýdyń jańa tásili engiziledi. Ákimderdi óńirdegi búkil máslıhat depýtattarynyń kelisimi boıynsha balamaly negizde taǵaıyndaý usynylyp otyr. Bul qalaı jumys isteıdi? Prezıdent oblys, respýblıkalyq mańyzy bar qala jáne elorda ákiminiń laýazymyna kem degende eki úmitker usynýǵa mindetti. Oblystyq, aýdandyq jáne qalalyq máslıhat depýtattarynyń bári osy úmitkerlerden tańdaý jasaıdy. Ákimdikke laıyqty kandıdat depýtattardyń jalpy daýys berýi nátıjesinde taǵaıyndalady. ıAǵnı, ákimshilik senim bildirgen azamat ákim bolady», - dedi Memlekettik hatshy Youtube arnasynda.

Onyń sózine qaraǵanda atalǵan túzetýlerdiń arqasynda ákimderdiń derbestigi artýy kerek.

«Qazir aýyl ákimderin turǵyndar tikeleı saılaıdy. Bul turaqty úrdiske aınaldy. Endi aýdan jáne qala ákimderin saılaýǵa daıyndyq júrgizilip jatyr. Oblys ákimderin depýtattar daýys berý arqyly balamaly negizde saılaıtynyn buǵan deıin aıttyq. Sondaı-aq, Prezıdenttiń aýdan, qala, aýyl ákimderin laýazymynan bosatý quzyretin Konstıtýtsııadan alyp tastaý usynylady. Tipti Prezıdenttiń oblys, respýblıkalyq mańyzy bar qala jáne elorda ákimderiniń aktilerin tolyǵymen nemese ishinara joıý, toqtatý quzyretin de alyp tastaý usynylyp otyr. Sonyń nátıjesinde ákimder barynsha derbes jumys isteıdi, turǵyndardyń múddesine basymdyq beredi», - dedi Erdan Qarın.

Onyń aıtýynsha, Konstıtýtsııalyq keńestiń ornyna qurylatyn Konstıtýtsııalyq sot qabyldaǵan sheshimge eshkim shaǵym keltire almaıtyn bolady.