Prezıdent: «Aqyldy qala» aýqymdy jobasy nátıjeli jumys istep jatyr

ASTANA. KAZINFORM —  Memleket basshysy Qasym-Jomart Toqaev jasandy ıntellektini damytýǵa arnalǵan jıynda Úkimet pen Astana ákimdiginiń elordada «Aqyldy qala» aýqymdy jobasyn júzege asyrý boıynsha nátıjeli jumys istep jatqanyn atap ótti. Bul týraly Qazaqstan Prezıdentiniń keńesshisi — baspasóz hatshysy Rýslan Jeldibaı jazdy.

Jobany resmı túrde iske qosý jeltoqsan aıyna josparlanǵan.

— Prezıdent bul tájirıbeni Qazaqstannyń barlyq iri qalalaryna taratýdy mindettedi. Sonymen qatar elimizde tsıfrlandyrý men jasandy ıntellektini damytý aıryqsha mańyzǵa ıe ekenin eskere otyryp, Úkimetti formalızmnen aýlaq bolýǵa shaqyrdy. Memleket basshysy jasandy ıntellekt quraldarynyń ekonomıkanyń naqty sektoryna engizilýi baıaý júrip jatqanyna alańdaýshylyq bildiredi. Osy oraıda Úkimetke jumysty jedel qolǵa alýdy tapsyrdy, — delingen habarlamada.

Eske sala keteıik, buǵan deıin Rýslan Jeldibaı Memleket basshysy Qasym-Jomart Toqaev pen Reseı prezıdenti Vladımır Pýtınniń telefon arqyly ne týraly sóıleskeni jóninde málimet bergen edi.