Prezıdent agroónerkásip keshenin damytýdyń jańa baǵdarlamasyn jyl sońyna deıin jasaýdy tapsyrdy
ASTANA. QazAqparat - Búgin Aqordada ótip jatqan QR Úkimetiniń keńeıtilgen otyrysynda Memleket basshysy Nursultan Nazarbaev Úkimetke agroónerkásip keshenin damytýdyń jańa baǵdarlamasyn jasaýdy tapsyrdy.
«Jyl sońyna taman biz qazynaǵa 830 mlrd teńge qosymsha kirister bolatynyn kútemiz. Bul bizge aǵymdaǵy jyldyń daǵdarysqa qarsy jospardan, aǵymdaǵy máselelerdi sheshýden strategııalyq mindetterge kóshýdi de qamtamasyz etetin bolady. ıAǵnı, biz daǵdaryspen jumys istep, biraz qarajatty sarp ettik, endi damýǵa, ósimge jumys isteý múmkindigi týyp otyr», - dedi N. Nazarbaev.
Osyǵan qatysty Elbasy úsh negizgi máseleni atap ótti. Onyń birinshisin agroónerkásip keshenin damytý. «Indýstrııalandyrý baǵdarlamasyna uqsas jyl sońyna deıin «Agrobıznes-2020» aıasynda agroónerkisip keshenin damytý baǵdarlamasyn jasaýdy tapsyramyn. Bul rette aýyl sharýashylyǵy taýarlaryn óndirý men ony saralandyrýǵa basa nazar aýdarylýy tıis. Ónimniń meılinshe suranysqa ıe túrlerine basymdyq berilýi shart. Aýyl sharýashylyǵy óńdelgen ónimderiniń eksportyn arttyrý qajet. Uzaqmerzimdi kredıtteýdiń qoljetimdiligi qamtamasyz etilýi kerek», - dedi N. Nazarbaev.
