Prezıdent agrarlyq sektordy ekonomıkalyq damýdyń negizgi qozǵaýshy kúshi dep atady

«Búginde biz óndiristik ónimderdi sýbsıdııalaýǵa kóshtik, bul aýyl sharýashylyǵyna arnalǵan jerlerdi eseppen paıdalanyp, agrarlyq keshenniń jumysyn jaqsartýǵa múmkindik beredi. Jańa tehnologııalar men óndiristerdiń ınfraqurylymdary aýyl sharýashylyǵyndaǵy eńbek ónimdiligin 1,5 esege ósirýi kerek»,-dedi Elbasy.

Sondaı-aq, Memleket basshysy Astanada joǵary tehnologııalar, bıomedıtsına men geologııa syndy úsh ǵylymı-tehnologııalyq klasterdi damytýdyń mańyzdylyǵyn atap ótti. Sonymen qatar, Almatynyń ınnovatsııalyq tehnologııalar parkinde keminde 2 jańa eksportqa baǵyttalǵan baǵyt, óńirlik startap-hab pen transulttyq korporatsııalardyń qatysýymen 5 tehnologııany damytý ortalyqtary qurylatynyn atap ótti.

«Sandyq tehnologııalardyń revolıýtsııasy álemniń qazirgi «tártibi» úshin úlken táýekel bolyp tur. Mysaly, 2020 jylǵa qaraı sandyq tehnologııa óndiretin derjavalar 5 mln jumys ornynan aıyrylýy múmkin. Sondyqtan, bala baqshadan bastap kásiptik bilimge deıin, qyzmetkerlerdi únemi oqytyp, biliktiligin jetildirip otyrýǵa ınvestıtsııa quıý kerek. Buǵan tek memleket qana emes, árbir adamnyń ózi de atsalysýy kerek. Bıznes bolashaqty oılap jumys istep, bul baǵytqa qarjy quıyp, jumys oryndaryn ashyp otyrýy kerek»,-dedi Prezıdent.