Prezıdent adam quqyqtary men zań ústemdigi salasyndaǵy is-qımyl josparyn bekitti
Prezıdent «Adam quqyqtary men zań ústemdigi salasyndaǵy is-qımyl jospary týraly» jarlyqqa qol qoıdy, dep habarlaıdy Kazinform.
Onda bylaı delingen:
- Qosa berilip otyrǵan Adam quqyqtary men zań ústemdigi salasyndaǵy is-qımyl jospary bekitilsin.
- Qazaqstan Respýblıkasy Úkimeti:
1) Іs-qımyl josparyn iske asyrý boıynsha qajetti sharalardy qabyldasyn;
2) jartyjyldyq negizde 15 shildege jáne 5 qańtarǵa deıin Prezıdent Ákimshiligine is-qımyl josparynyń oryndalý barysy týraly aqparat usynsyn.
- Osy Jarlyq qol qoıylǵan kúninen bastap qoldanysqa enedi.
Іs-qımyl josparymen myna siltemede tanysýǵa bolady.
Osyǵan oraı Qasym-Jomart Toqaev X (burynǵy Twitter) paraqshasynda jazba jarııalady.
– Dúnıejúzilik adam quqyqtary kúnine oraı «Adam quqyqtary men zań ústemdigi salasyndaǵy is-qımyl jospary týraly» jarlyqqa qol qoıdym. Josparda genderlik teńdikti kúsheıtýge, turmystyq zorlyq-zombylyqqa qarsy kúreske, qylmystyq sot tóreligi salasynda azamattardy qorǵaýǵa, azaptaý men qatygezdiktiń aldyn alýǵa baǵyttalǵan birqatar shara qamtylǵan. Birlesý bostandyǵy quqyǵy men eńbek quqyǵyn, sondaı-aq múmkindigi shekteýli azamattardyń quqyqtaryn qamtamasyz etý joldary qarastyrylǵan. Qujat adam quqyqtaryn qorǵaýdyń ulttyq júıesin nyǵaıtady. Jospardy júzege asyrý sheńberinde tıisti zańdar qabyldanady – dep jazdy Prezıdent.
