Prezıdent AD Ports Group basshysymen kólik-tranzıt yntymaqtastyǵyn talqylady
ASTANA. KAZINFORM — Qasym-Jomart Toqaev Sheteldik ınvestorlar keńesiniń plenarlyq otyrysy alańynda AD Ports Group basqarýshy jáne bas atqarýshy dırektory Muhammed Ál-Shamısımen kezdesti, dep habarlaıdy Aqordanyń baspasóz qyzmeti.
Prezıdent AD Ports Group búginde teńiz arqyly tasymaldaý jáne port ınfraqurylymyn damytý salasynda álemdegi jetekshi operatorlardyń biri retinde tanylǵanyn atap ótti.
Áńgimelesý barysynda Orta dálizdi damytý aıasynda Kaspıı aımaǵynyń kólik-tranzıt áleýetin keńeıtý perspektıvasy talqylandy.
Qasym-Jomart Toqaev jýyrda Brıýsselge jasaǵan resmı sapary aıasynda Eýropalyq Odaq basshylyǵy men eýropalyq iskerlik qoǵamdastyq ókilderi Transkaspıı halyqaralyq kólik baǵytyn Azııa men Eýropany jalǵaıtyn negizgi kólik joldarynyń biri retinde baǵalap, osy baǵdar arqyly júk aǵynyn keńeıtýge ázir ekenderin aıtqanyn jetkizdi.
Kezdesýde júk tasymaly salasyndaǵy birlesken kásiporyndar qyzmetine, sondaı-aq port ınfraqurylymyn damytý, astyq jáne júk termınaldaryn salý máselesine basa mán berildi.
Muhammed Ál-Shamısı holdıngtiń uzaqmerzimdi yntymaqtastyqqa jáne óńirdegi seriktestikti nyǵaıtýǵa strategııalyq turǵydan qyzyǵýshylyq tanytatynyn rastady.
Osyǵan deıin Memleket basshysy Cameco korporatsııasynyń atqarýshy dırektory Tım Gıttseldi qabyldaǵanyn jazǵan edik.
